风流鸳鸯永久长
(英德客家情歌)
歌词：张方勇、邓元息
对唱：龙有娣、张邦科
女
月头一出东片红
照到阿妹嫩芙蓉
阿哥见到芙蓉树
行埋树下笑朦朦
男
妹子生来像芙蓉
哥像山上一棵松
虽然身份唔一样
心中也想奏成双
女
月头一出半天高
借问阿哥食饭冇
三日盲同阿哥嬲
问你阿哥想妹冇
男
你问阿哥想妹冇
唔知想妹想几多
劳动又想妹凑阵
闲聊又想同妹坐
女
日头对顶晏昼心
心想同哥嬲树阴
大树脚下冇郎见
唔晓来去那里寻
男
唔使阿妹过来寻
哥妹原系共路人
两人树阴脚下聊
烂饭包浆会生心
女
食然昼后月斜西
细妹想你知唔知
厓妹行前哥又走
丢落厓妹几孤凄
男
阿妹孤凄哥孤凄
人多唔敢接近你
就怕人家讲闲话
人人带面树带皮
女
月头落山杀夜青
阿哥爱走妹心惊
心想留你唔爱走
看到有人唔敢声
男
厓话阿妹唔使惊
你想联郎早出声
哥想联妹二十几
唔联大姐三十零
女
娥眉月子在半天
唔知阿哥在那边
恁好阿哥打脱阵
阿妹想郎想到颠
男
妹子癫来哥也癫
偷偷想去妹房间
见妹门前有恶狗
远远望住唔敢前
女
三更半夜起床坐
打开房门等情哥
等呢半夜冇郎见
两行眼泪流成河
男
你妹眼泪流成河
哥在房间想娇娥
你妹又系冇双对
厓哥也系冇老婆
女
想郎想到鸡打鸣
样般唔见厓老情
约好时间冇人见
系昧情郎变了心
男
厓话妹子爱知情
你计情郎冇变心
哥当你系心肝肉
那有还会想别人
女
等郎等到天大光
样般唔见厓情郎
唔知厓妹几遭罪
唔见情哥泪汪汪
男
你妹想郎泪汪汪
哥也更夜盲上床
唔系调进就调出
想妹想到心痒痒
女
阿哥唔使心痒痒
你想联妹爱大方
托媒同厓爷娭讲
慢慢坐下来商量
男
厓想托媒去商量
可惜厓哥穷家郎
怕你爷娭白鸽眼
嫌厓冇车又冇房
女
厓妹唔嫌穷家郎
总爱阿哥情义长
厓计爷娭好讲话
只盼老来有人养
男
妹子爷娭厓愿养
明日就去妹家堂
猪肉酒米厓担去
鸡公厓会捉去劏
女
阿哥你来妹家堂
大家坐下来商量
有话当面请清楚
厓妹会做你新娘
男
你妹愿做厓新娘
阿哥听到开心肠
建时挑日办喜事
欢天起地结鸳鸯
合
情投意合永久长
客家联盟平台